Ադրբեջանի ԱԳՆ-ն՝ Տիգրանաշենի և Տավուշի յոթ գյուղերի մասին
Բրյուսելում կայացած հանդիպումից հետո ենթադրվում է, որ հայկական կողմը համաձայնել է սկսել խաղաղ համաձայնագրի և դելիմիտացիայի գործընթացը։ Ինչպես հայտնում են ադրբեջանական լրատվամիջոցները, այս մասին ասել է այդ երկրի փոխարտգործնախարար Խալաֆ Խալաֆովը:
Նրա խոսքով՝ բանակցություններն ընթանալու են Ադրբեջանի 5 կետից բաղկացած առաջարկների հիման վրա։ Խալաֆովը նաեւ հայտարարել է, որ Ղազախի շրջանի 7 և Քյարքի գյուղերի վերադարձը կիրականացվի սահմանազատման գործընթացի պահանջներին համապատասխան։
«Ադրբեջանի կազմ այդ տարածքների վերադարձի հետ կապված հարցը կլուծվի բանակցությունների արդյունքում»,- ընդգծել է ավտորիտար երկրի պաշտոնյան։
Նշենք, որ խոսքը մասնավորապես Հայաստանի Տավուշի մարզի յոթ գյուղերի և Արարատի մարզի Տիգրանաշեն համայնքի:
Հիշեցնենք, որ Հայաստանի Անվտանգության խորհրդի քարտուղար Արմեն Գրիգորյանը նախորդ հինգշաբթի կառավարությունում տեղի ունեցած ճեպազրույցի ժամանակ հայտարարել էր, որ անկալվների հարց բանակցությունների ընթացքում չի քննարկվում, սակայն Երևանը հույս ունի, որ ադրբեջանական անկլավները կմնան Հայաստանի կազմում, իսկ հայկականները՝ Ադրբեջանի։
