Հրթիռային հարձակման պատճառով Շառլ Միշելի և Ուկրաինայի վարչապետի հանդիպումը ընդհատվել է

 Եվրոպական խորհրդի նախագահ Շառլ Միշելը ստիպված է եղել ընդհատել Ուկրաինայի վարչապետ Դենիս Շմիգալի հետ Օդեսայում ընթացող հանդիպումը՝ հրթիռային հարձակման պատճառով: Այս մասին հայտնում է ՌԻԱ Նովստին։ ԵՄ պաշտոնյայի խոսքով՝ Միշելը ստիպված էր ընդհատել հանդիպումը եւ պատսպարվել, երբ քաղաքի վրա «հրթիռներ տեղացին»:

Հարվածը տեղի է ունեցել Ուկրաինայի վարչապետ Դենիս Շմիգալի հետ բանակցությունների ժամանակ։ «Վարչապետի հետ հանդիպման ժամանակ մասնակիցները ստիպված եղան ընդհատել հանդիպումը՝ պատսպարվելու համար, քանի որ հրթիռները կրկին ընկան Օդեսայի վրա»,- ասել է պաշտոնյան։

Տեսակոնֆերանսի ձեւաչափով բանակցություններին միացած Վլադիմիր Զելենսկին շնորհակալություն է հայտնել Միշելին Հաղթանակի օրը՝ Երկրորդ համաշխարհային պատերազմում նացիստական ​​Գերմանիայի պարտության տարելիցի օրը, Ուկրաինա այցի համար։