Զելենսկին մայիսի 8-ին կմասնակցի G7-ի համաժողովին

Գերմանիայի կանցլեր Օլաֆ Շոլցը կիրակի կայանալիք վիրտուալ կոնֆերանսի ժամանակ G7-ի երկրների գործընկերների հետ կքննարկի Ուկրաինայի ներկա իրավիճակը։ Միջոցառմանը կմասնակցի Ուկրաինայի նախագահ Վլադիմիր Զելենսկին, ուրբաթ Բեռլինում ասել է Գերմանիայի կառավարության մամուլի քարտուղարի տեղակալ Քրիստիանե Հոֆմանը, գրում է Focus.de-ն:

Ուկրաինայի նախագահ Վլադիմիր Զելենսկին, ինչպես նշվում է, կմասնակցի տեսակոնֆերանսին՝ զեկուցելու իր երկրում տեղի ունեցող զարգացումների մասին։
 

Բացի Գերմանիայից, G7-ի կազմում են նաև Ֆրանսիան, Իտալիան, Ճապոնիան, Կանադան, Միացյալ Թագավորությունը և Միացյալ Նահանգները:

Հոֆմանն ընդգծել է, որ վիրտուալ հանդիպումը տեղի կունենա կիրակի՝ պատմական, մայիսի 8-ին։