Պուտինը սխալվել է իր հաշվարկներում. Շոլցի հայտարարությունը
Ռուսաստանի Դաշնության դեմ սահմանված պատժամիջոցները չեն հանվի այնքան ժամանակ, քանի դեռ Կրեմլը խաղաղ համաձայնագիր չի կնքել Ուկրաինայի հետ։
Այս մասին Reuters-ին հայտարարել է Գերմանիայի կանցլեր Օլաֆ Շոլցը՝ նշելով, որ Ուկրաինան պետք է թելադրի խաղաղության պայմանները։
Շոլցը բացատրել է, որ ՌԴ նախագահ Վլադիմիր Պուտինը սխալվել է իր հաշվարկներում, երբ կարծել է, որ պատժամիջոցները կարճատև են լինելու:
«Նա Ուկրաինայում իր ամբողջ օպերացիան մինչև վերջ չէր մտածել: Նա չէր կարծում, որ Ուկրաինան այդքան կդիմադրի: Նա չէր կարծում, որ մենք կաջակցենք նրանց, որպեսզի նրանք այսքան երկար դիմադրեն... Չենք չեղարկի պատժամիջոցները, քանի դեռ նա չի համաձայնել Ուկրաինայի հետ»,- ասել է Շոլցը։
