Հանրահավաքի հենց առաջին օրը ադրբեջանական կողմից գրանցվել են մեծ տրամաչափով զենքի կիրառմամբ կրակոցներ․ Ալեն Սիմոնյան

Ազգային ժողովի նախագահ Ալեն Սիմոնյանը ոստիկանության գործողությունները համաչափ է գնահատում, շնորհակալություն հայտնում, որ պահպանում են մյուս քաղաքացիների իրավունքները ու թույլ չեն տալիս «փոքր միջոցառումները» խանգարեն մյուս քաղաքացիներին։

ԱԺ նախագահն ասաց, թե ընդդիմության հանրահավաքի հենց առաջին օրը մեր սահմանին ադրբեջանական կողմից գրանցվել են մեծ տրամաչափով զենքի կիրառմամբ կրակոցներ։

«Հետևությունները թողնում եմ ձեզ, գրեթե միշտ մեր ընդդիմության գործողությունները համընկնում են կամ ամենակարևոր այցերի հետ, կամ համընկնում են սահմանում տեղի ունեցող իրադարձությունների հետ, ես չեմ համարում, որ դա զուգադիպություն է», - ասաց նա։

Ալեն Սինոնյանի խոսքով՝ ընդդիմադիրների միտինգները գնալով ավելի սակավաթիվ են դառնում։