Ֆրանսիան հայտարարել է գազի հարցով ԵՄ աշխատանքային խմբի առաջին հանդիպման մասին
Ֆրանսիայի էկոլոգիական անցման նախարար Բարբարա Պոմպիլին մամուլի ասուլիսի ժամանակ ասել է, որ մայիսի 5-ին Բուլղարիայի մայրաքաղաք Սոֆիայում կկայանա ԵՄ աշխատանքային խմբի առաջին հանդիպումը՝ կապված ԵՄ գազի մատակարարման հետ, հայտնում է ՏԱՍՍ-ը։
«Մենք ուսումնասիրել ենք իրավիճակը Լեհաստան և Բուլղարիա գազի մատակարարման ոլորտում։ Այս երկրներից իմ գործընկերներն ասացին, որ մոտ ապագայում սպառողների և արդյունաբերության համար գազի մատակարարման ընդհատումների վտանգ չի սպառնա։ Մենք ուշադիր հետևում ենք իրավիճակին, և այդ նպատակով կստեղծվի տարածաշրջանային աշխատանքային խումբ»,- ասաց նա։
Պոմպիլին ավելի վաղ հայտարարել էր, որ Ռուսաստանի Դաշնության դեմ պատժամիջոցների նոր փաթեթը չի քննարկվի այսօր Բրյուսելում կայանալիք ԵՄ էներգետիկայի նախարարների խորհրդում։
