«Որոշ լարված պահեր եղան». Ալիևը՝ ռուս խաղաղապահների մասին
«Ղարաբաղում հրադադարի մասին եռակողմ հայտարարությունը ցույց է տալիս ռուսական խաղաղապահ կոնտինգենտի ստույգ թիվը և նրա գտնվելու հինգ տարին։ Եթե կողմերից մեկը որոշի, որ հինգ տարի ժամկետը բավարար է, ապա պետք է այդ մասին պաշտոնապես տեղեկացնի վեց ամիս առաջ։ Կարծում եմ՝ սա շատ դրական գործոն է ապագա կոնֆիգուրացիան հասկանալու համար»։ Այս մասին «Հարավային Կովկաս. զարգացում և համագործակցություն» միջազգային համաժողովի մասնակիցների հետ հանդիպման ժամանակ հայտարարել է Ադրբեջանի նախագահ Իլհամ Ալիևը։
Նրա խոսքով՝ վերջին մեկուկես տարվա ընթացքում իրավիճակն Արցախում, որտեղ տեղակայված են ռուս խաղաղապահները, «ընդհանուր առմամբ կայուն է»։
«Ճիշտ է, որոշ լարված պահեր եղան։ Բայց հիմա իրավիճակը կայուն է։ Ռուս խաղաղապահների և ադրբեջանցի զինծառայողների հարաբերությունները գտնվում են լավ մակարդակի վրա»,- ասել է Ադրբեջանի նախագահը։
