Կոնգրեսականը պահանջել է ամբողջությամբ դադարեցնել ԱՄՆ-ի կողմից Ադրբեջանին ուղղված օգնությունը
Կոնգրեսական Ֆրենկ Փալոնեն թվիթերյան իր էջում գրել է, որ պահանջել է ամբողջությամբ դադարեցնել ԱՄՆ-ի կողմից Ադրբեջանին անվտանգության ապահովմանն ուղղված օգնությունը։
«Նամակ եմ ուղարկել Կոնգրեսի 63 անդամներին՝ խնդրելով տնտեսական օգնություն տրամադրել Հայաստանին և Արցախին։ Այս ֆինանսավորումը կօգնի ամրապնդել Հայաստանի ժողովրդավարությունը, աջակցել տնտեսական զարգացմանը, կայունացնել քաղաքացիական հասարակությունը և կօգնի պայքարել COVID19-ի դեմ։
Արցախը և Հայաստանը շարունակում են պայքարել շարունակվող հումանիտար ճգնաժամի հետ, որը բխում է Ադրբեջանի մահաբեր ներխուժումից։
Մենք նաև պահանջել ենք ամբողջությամբ արգելել ԱՄՆ-ի կողմից Ադրբեջանին տրամադրվող անվտանգության ապահովմանն ուղղված օգնության տրամադրումը և կոչ ենք արել անհապաղ ազատ արձակել բոլոր հայ ռազմագերիներին»,- գրել է նա։
