Ավստրալիան Ուկրաինա կուղարկի ավելի քան 19 միլիոն դոլարի ծանր սպառազինություն
Ավստրալիայի իշխանությունները հայտարարել են Ուկրաինա ուղարկվող ռազմական օգնության ծավալն ավելի քան 19 միլիոն ԱՄՆ դոլարի չափով ավելացնելու պլանների մասին։ Այս մասին հայտնում է ТАСС-ը՝ ABC-ին հղումով։
Խոսքը Կիևին աջակցության նոր փաթեթ տրամադրելու մասին է, որը ներառում է ծանր հրետանային զենք և զինամթերք։
Ակնկալվում է, որ Ուկրաինա կուղարկվի 155 մմ տրամաչափի M777 վեց հաուբից՝ մինչև 30 կմ հեռահարությամբ, ինչպես նաև դրա համար նախատեսված զինամթերք։
Ավստրալիայի կառավարության կողմից Ուկրաինային զենք գնելու համար հատկացված միջոցների ընդհանուր գումարը կաճի մինչև 161,6 միլիոն դոլար։
Այս պահին Ուկրաինային աջակցության նոր փաթեթի հատկացման ժամկետներ չեն նշվում։ Կիևին աջակցության վերաբերյալ այլ մանրամասներ այս պահին նույնպես չկան։
