Թեհրանը ստացել է հրադադարի առաջարկներ

Իրանի ԱԳՆ պաշտոնական ներկայացուցիչ Իսմայիլ Բաղային հայտնել է, որ Թեհրանը միջնորդներից ստացել է առաջարկներ՝ ուղղված հրադադարին և Միացյալ Նահանգների հետ հակամարտության դեէսկալացիային։

Ճեպազրույցի ընթացքում դիվանագետը, անդրադառնալով ԱՄՆ-ի հետ հրադադարի վերաբերյալ առաջարկների առկայության մասին հարցին, նշել է. «Կան առաջարկներ, մենք ստացել ենք դրանք, բայց թույլ տվեք չմանրամասնել»։ Իսմայիլ Բաղային հավելել է, որ միջնորդ կողմերն աշխատանքներ են տանում հուլիսին Վաշինգտոնի և Թեհրանի միջև ձևավորված լարվածության նվազեցման ուղղությամբ։

Հուլիսի 8-ից ի վեր ԱՄՆ զինված ուժերը մի քանի հարձակումներ են իրականացրել Իրանի վրա։ ԱՄՆ կենտրոնական հրամանատարությունը հայտարարել է, որ այս հարձակումները հակադարձում էին Հորմուզի նեղուցով անցնող առևտրային նավերի դեմ Իրանի գործողություններին։ Իրանի զինված ուժերը պատասխանել են Մերձավոր Արևելքի մի շարք երկրներում գտնվող ամերիկյան բազաների վրա հարվածներով։