12:00 Լուրերը մեկ տողով. ՊԵԿ-ի բացահայտած միլիոնավոր դրամների ստվերը. ՖԻՖԱ-ի ռեկորդային եկամուտները

Անցած ժամվա լուրերը՝ հակիրճ և բովանդակային.

•ՊԵԿ-ը Կոտայքի մարզի ժամանցի կենտրոններից մեկում հայտնաբերել է շուրջ 300 միլիոն դրամի ստվերային շրջանառություն, ինչի հետևանքով պետական բյուջե չի վճարվել 82 միլիոն դրամ հարկ, և դեպքի առթիվ նախաձեռնվել է քրեական վարույթ։


•ԲՀԿ առաջնորդ Գագիկ Ծառուկյանի առանձնատնից Երեւանի կենդանաբանական այգի են տեղափոխվել 3 առյուծ, 4 վագր, 9 կոկորդիլոս և 13 կարապ: 

•Երևանի Նոր Նորք վարչական շրջանում ընթանում են Տորք Անգեղի արձանի հարակից այգու վերակառուցման աշխատանքները, որոնք նախատեսվում է ավարտել 2026 թվականի չորրորդ եռամսյակում։

•Ռուսաստանի Պետդումայում առաջարկվում է օրենսդրորեն արգելել քաղաքացիության կամ կացության իրավունքի տրամադրումը դատվածություն ունեցող միգրանտներին։

•Իրանի հետ հակամարտության ընթացքում զոհված ամերիկացի զինծառայողների թիվը հասել է 17-ի։

•ՖԻՖԱ-ն 2026 թվականի Աշխարհի առաջնությունից ակնկալում է 15 միլիարդ դոլարի ռեկորդային հասույթ, որն ապահովվել է հյուրանոցային ծառայությունների և տոմսերի վերավաճառքի հաշվին։

•Աշխարհի առաջնության եզրափակիչից հետո Արգենտինայի հավաքականի գլխավոր մարզիչները մեկնաբանել են կայացած խաղի արդյունքները։