Ավինյանը՝ Երևանի բոլոր շինհրապարակների համար նոր պարտադիր պահանջի մասին

Երևանի քաղաքապետ  Տիգրան Ավինյանը գործակարգավորական նիստի ընթացքում դարձյալ հանձնարարական տվեց պահպանել վերահսկողության խիստ տեմպը քաղաքում իրականացվող բոլոր տեսակի շինարարական աշխատանքների նկատմամբ։

Նա պահաջեց, որ փոշեկլանիչ ցանցերի օգտագործումը դառնա համատարած ողջ Երևանում։

«Այս տեմպը, կարծում եմ, պետք է պահպանվի, մինչև իսկ մենք չսկսենք տեսնել, որ փոշեկլանիչ ցանցերը Երևան քաղաքում համատարած են։ Շինարարական բոլոր աշխատանքները՝ թե՛ ենթակառուցվածքային, թե՛ շենքերի կառուցման, պետք է անշեղորեն համապատասխանեն Երևանի ավագանու կողմից սահմանված նոր կանոններին»,- ասել է Ավինյանը։

Նա նշել է, թե վերահսկողության տեմպը չի թուլացվելու այնքան ժամանակ, քանի դեռ բոլոր կառուցապատողները չեն ընդունել և չեն սկսել գործել ըստ «նոր խաղի կանոնների»։