ԱՄՆ-ն պահանջում է, որ դաշնակիցները վճարեն նավագնացության անվտանգության համար

ԱՄՆ պետքարտուղար Մարկո Ռուբիոն հայտնել է, որ Պարսից ծոցի մի քանի պետություններ հանձնառություն են ստանձնել ներդրումներ իրականացնել Միացյալ Նահանգներում՝ Հորմուզի նեղուցով նավագնացության անվտանգությունն ապահովելու դիմաց։

«ԱՄՆ-ն կշարունակի անել անհրաժեշտ ամեն ինչ միջազգային նավագնացությունը պաշտպանելու համար, սակայն մյուս երկրները նույնպես պետք է ակտիվանան և ռեսուրսներ կամ ֆինանսներ տրամադրեն՝ այս բեռը կիսելու համար։ ԱՄՆ-ն պարտավոր չէ հավերժ նավագնացություն ապահովել ողջ մոլորակի համար։ Նմանատիպ ներդրումների վերաբերյալ որոշակի պարտավորություններ արդեն ստանձնվել են, և կան այլ երկրներ, որոնք պարտավորություններ կստանձնեն ապագայում», — լրագրողներին ասել է նա։

Միացյալ Նահանգների արտաքին քաղաքական գերատեսչության ղեկավարը նաև նշել է, որ այդ տարածաշրջանի պետությունները «նման ներդրումներ անելու համար պետք է եկամուտներ ստանալու հնարավորություն ունենան, ինչն անհնար կլինի, եթե նրանց նավթն ու գազը շուկա չհասնեն»։