Երևանի հավելյալ եկամուտները կուղղվեն ճանապարհաշինությանը. Ավինյան

Քաղաքապետ Տիգրան Ավինյանը տեղեկացրել է, որ Երևանի քաղաքապետարանի լրացուցիչ եկամուտների մեծ մասը հատկացվելու է ճանապարհաշինական ծրագրերի իրագործմանը։

Ըստ քաղաքապետի՝ առաջնային պլանում լինելու է նոր ճանապարհային հանգույցների հիմնումն ու փողոցների հիմնանորոգումը։ «Հավելյալ եկամուտների ծախսման հիմնական ուղղությունները լինելու են ճանապարհաշինական աշխատանքները, մասնավորապես՝ նոր ճանապարհային հանգույցների շինարարությունը և ճանապարհների հիմնանորոգումը»,-նշել է Ավինյանը։

Բացի այդ, մայրաքաղաքի ղեկավարը հայտնել է, որ քաղաքային հասցեական կառույցը մտադիր է վերանայել ներքին ծախսերի արդյունավետությունը՝ գործընթացում ներգրավելով արտաքին մասնագետների։ «Կարծում եմ՝ արդեն անցել է որոշակի ժամանակ, որպեսզի անդրադառնանք և հասկանանք, թե օպտիմալացման ինչ հնարավորություններ ունենք։ Հավանաբար, այդ ծառայությունը կարտապատվիրակենք, որպեսզի կողքի աչքով վերլուծվեն մեր ներքին գործընթացները, պարզենք, թե որտեղ կան անհարկի մեծ ծախսեր, և անհրաժեշտության դեպքում իրականացնենք դրանց վերաբաշխումը»,- ասել է Ավինյանը։