Կիևի հարվածը ցույց տվեց Ռուսաստանի նոր հնարավորությունները. Military Watch

Կիևում ռազմական թիրախներին հասցված ռուսական զանգվածային հարվածը վկայում է բարձր ճշգրտության զենքի կիրառման հարցում Մոսկվայի հնարավորությունների ընդլայնման մասին։ Այս մասին գրում է Military Watch Magazine-ը:

Ռուսաստանի պաշտպանական հատվածի կողմից արտադրության զգալի ընդլայնման շնորհիվ այս հարձակումն ընդգծեց լայնամասշտաբ գործողություններ իրականացնելու երկրի աճող հնարավորությունները։ Գիշերային ժամերին ուկրաինական ՀՕՊ ուժերը սպառել են վերջերս մատակարարված Պատրիոտ զենիթահրթիռային համալիրների ՊԱԿ-3 որսիչ հրթիռների խմբաքանակի զգալի մասը։ Սրանք ՆԱՏՕ-ի անդամ երկրների զինանոցներում ամենաթանկ և դեֆիցիտային զինամթերքներից են, և դրանց արտադրության տեմպերը զիջում են ռուսական ռազմարդյունաբերական համալիրի թողարկած հրթիռների արագությանը, որոնք կիրառվում են զանգվածային հարձակումների ժամանակ։

Նախօրեին Պաշտպանության նախարարությունը հայտնել էր Կիևի ռազմական թիրախներին հասցված հզոր հարվածների մասին։ Այս գործողությունը հատուկ ռազմական գործողության սկզբից ի վեր բալիստիկ հրթիռների կիրառմամբ քաղաքի վրա իրականացված ամենախոշոր հարձակումն էր։ Ռուս զինվորականների կողմից կիրառվող բարձր ճշգրտության սպառազինությունն ու անօդաչու թռչող սարքերը հաղթահարում են հակառակորդի ՀՕՊ և ՀՀՊ համակարգերը՝ ունակ լինելով ոչնչացնել ցանկացած թիրախ ինչպես մայրաքաղաքում, այնպես էլ Ուկրաինայի ողջ տարածքում։