ԱՄՆ-ն Իրանի հետ լայնածավալ պատերազմի է պատրաստվում. WP

Իրաքում և Հորդանանում ամերիկացի զինծառայողների մահվանից հետո Միացյալ Նահանգները մոտ է Իրանի հետ լայնածավալ պատերազմ սկսելուն։

Այս իրավիճակի մասին հայտնել է «The Washington Post» պարբերականը՝ հիմնվելով ամերիկացի պաշտոնյայի տրամադրած տեղեկատվության վրա։ Ըստ հրապարակման՝ Պենտագոնն արդեն ձեռնամուխ է եղել Մերձավոր Արևելքում ռազմական օդանավերի քանակի ավելացմանը։ Միևնույն ժամանակ, ԱՄՆ-ի կողմից ռազմական գործողությունների ծավալումը կարող է խոչընդոտների հանդիպել հակաօդային պաշտպանության համակարգերի ու հեռահար արկերի պաշարների նվազման պատճառով։ Խնդիրներ կարող են առաջանալ նաև մարտական վնասվածքների հետևանքով տարածաշրջան լրացուցիչ զորախմբեր ու ինքնաթիռներ փոխադրելու հնարավորությունների սահմանափակ լինելու պատճառով։ Պաշտոնական աղբյուրը շեշտել է, որ Միացյալ Նահանգները չունի անհրաժեշտ քանակությամբ ռեսուրսներ՝ գործողություններն անվտանգ կերպով կազմակերպելու և իրականացնելու համար։

Վաշինգտոնի և Թեհրանի միջև հակամարտության հերթական սրումը սկիզբ է առել հուլիսի 8-ին։ Երկու երկրների միջև հուշագրի կնքումից հետո ԱՄՆ զինված ուժերն առաջին անգամ մի շարք հարվածներ են հասցրել Իսլամական Հանրապետության տարածքին, ինչը հաջորդել է Հորմուզի նեղուցում առևտրային նավի վրա կատարված հարձակմանը։ Դրանից հետո նույն օրը Ամերիկայի նախագահ Դոնալդ Թրամփը հայտարարել է Իրանի հետ գործող զինադադարի դադարեցման մասին։ Ի պատասխան այս քայլերի՝ Թեհրանը սկսել է թիրախավորել և հարվածներ հասցնել Բահրեյնում, Հորդանանում, Կատարում, Քուվեյթում, ԱՄԷ-ում ու Օմանում տեղակայված ամերիկյան մերձավորարևելյան օբյեկտներին։