11:00 Լուրերը մեկ տողով. Եղանակային անակնկալներ, նոր քրեական վարույթ և թեժ մարտեր Մերձավոր Արևելքում

Անցած ժամվա լուրերը՝ հակիրճ և բովանդակային.

•Հայաստանում առաջիկա շաբաթվա ընթացքում կպահպանվի հարավ-արևմտյան տաք օդային հոսանքների ազդեցությունը, իսկ հուլիսի 22-24-ը առանձին շրջաններում սպասվում է կարճատև անձրև և ամպրոպ:

•Երևանի մետրոպոլիտենի շարժակազմի արդիականացման շրջանակում հերթական վերանորոգված 3-վագոնանոց շարժակազմն արդեն հանձնվել է շահագործման:

•Հակակոռուպցիոն կոմիտեում նախաձեռնվել է քրեական վարույթ «Ուժեղ Հայաստան» կուսակցության համակիրների կողմից Մասիսում ընտրակաշառք խոստանալու դեպքով, կան ձերբակալվածներ:

•Հորմուզի նեղուցի մոտ՝ Օմանի ափերի մոտակայքում, նավի վրա հրդեհ է բռնկվել, դեպքի հանգամանքները պարզվում են:

•ԱՄՆ նախագահ Դոնալդ Թրամփը հայտարարել է Իրանին հասցված նոր հզոր հարվածների և այդ երկրի ռազմական զգալի կորուստների մասին:

•Իրանի արտգործնախարար Աբբաս Արաղչին նշել է, որ ԱՄՆ-ի հետ հակամարտությունը կարող է ավարտվել միայն ռազմադաշտում առավելության հասնելուց հետո:

•ԱՄՆ պետքարտուղար Մարկո Ռուբիոն հայտնել է ԱՍԵԱՆ-ի գագաթնաժողովում Ռուսաստանի և Չինաստանի արտգործնախարարների հետ հանդիպելու պատրաստակամության մասին:

•Ֆրանսիայի հավաքականի հարձակվող Կիլիան Մբապեն 10 գոլով դարձել է 2026 թվականի Աշխարհի առաջնության լավագույն ռմբարկու, իսկ չեմպիոնի տիտղոսը նվաճել է Իսպանիան: