Ռուսաստանի դեմ աննախադեպ պատժամիջոցները կարող են վերջ դնել աշխարհում դոլարի գերակայությանը. Jacobin
Jacobin հրատարակության հոդվածագիր Բրանկո Մարչետիչը պնդում է, որ ԱՄՆ նախագահ Ջո Բայդենի աննախադեպ պատժամիջոցային քաղաքականությունը Ռուսաստանի դեմ կարող է խաթարել դոլարի համաշխարհային գերակայությունը: Այս մասին գրում է РИА Новости-ն։
Մարչետիչի խոսքով՝ նման մտահոգություններ կան ԱՄՀ-ից մինչև Goldman Sachs ներդրումային բանկ։ Ըստ հոդվածագրի՝ Մոսկվայի դեմ սահմանափակող միջոցներ կիրառելու ամերիկյան ղեկավարության որոշումը կարող է ռազմավարական սխալի վերածվել Վաշինգտոնի համար։
Հրատարակությունը նշում է, որ ԱՄՆ-ը կարող է կորցնել այն արտոնությունը, որը թույլ է տվել իրենց ավելի շատ ներմուծում իրականացնել, քան արտահանում՝ առանց փոխարժեքի անկման կամ տոկոսադրույքների բարձրացման ռիսկի։
