ՌԴ-ն արտաքսում է Գերմանիայի դիվանագիտական ներկայացուցչության 40 աշխատակցի
Ռուսաստանի Դաշնությունը երկրից կարտաքսի Գերմանիայի դիվանագիտական ներկայացուցչության 40 աշխատակցի:
Այս մասին ապրիլի 25-ին հայտնել են ՌԴ արտաքին գործերի նախարարությունից։
«Ապրիլի 25-ին Ռուսաստանի Դաշնությունում Գերմանիայի Դաշնային Հանրապետության դեսպան Գեզա Անդրեաս ֆոն Հեյրը կանչվել է ՌԴ ԱԳՆ։ Գերմանիայի դեսպանին նոտա է փոխանցվել Ռուսաստանում գերմանական դիվանագիտական հաստատությունների 40 աշխատակիցներին «պերսոնա նոն գրատա» հայտարարելու մասին՝ որպես համարժեք պատասխան գերմանական կառավարության համանման որոշմանը»,- ասվում է գերատեսչության հայտարարության մեջ:
Հիշեցնենք, որ օրերս՝ ապրիլի 4-ին, Բեռլինում Ռուսաստանի դեսպանը կանչվել է Գերմանիայի ԱԳՆ, որտեղ նրան տեղեկացրել են ՌԴ դիվանագիտական ներկայացուցչության 40 աշխատակիցների արտաքսման մասին։
