Ադրբեջանը ռուսական գազը ռուբլով չի գնի

Ապրիլի 25-ին ադրբեջանական SOCAR ընկերությունը հերքել է մամուլում տարածված այն տեղեկությունը, թե երկրի իշխանությունները համաձայնել են գազ գնել Ռուսաստանից ռուբլով։ Այս մասին գրում է Известия-ն:

«Երկուշաբթի մամուլում տեղեկություն տարածվեց, որ Ադրբեջանի Հանրապետությունը ռուբլով վճարելու է Ռուսաստանից ներկրվող գազի արժեքը։ Այս տեղեկությունը չի արտացոլում իրականությունը»,- հայտնել են ընկերությունից:
 

Միևնույն ժամանակ, ՌԴ ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարն ավելի վաղ ասել էր, որ Ռուսաստանն արևմտյան պատժամիջոցների ֆոնին ակտիվորեն անցնում է ազգային արժույթներով հաշվարկների, այդ թվում՝ Ադրբեջանի և Հայաստանի հետ։ 

Ըստ առկա փորձագիտական ​​գնահատականների՝ Մոսկվայի և Բաքվի միջև ողջ առևտրի շուրջ 30%-ն իրականացվում է ռուբլով, պարզաբանել է նա։
 

Գոնչարի խոսքով, Մոսկվան մնում է Բաքվի առաջատար տնտեսական գործընկերներից մեկը և զբաղեցնում է առաջին տեղը ադրբեջանական նավթամթերք ներկրողների շարքում։