Հայտնաբերվել է գողացված դիմաքանդակը
Երեկ, ապրիլի 21-ին, ոստիկանության Արաբկիրի բաժնի քրեական հետախուզության բաժանմունքի ծառայողները՝ բաժնի պետ Երվանդ Նիկոյանի գլխավորությամբ, ձեռնարկելով անհրաժեշտ օպերատիվ-հետախուզական հսկայական աշխատանքներ, հայտնաբերել են Երևանում օրեր առաջ Արաբկիրի թաղապատերանի դիմաց Վահագն Դավթյանի այգում տեղադրված Կոմիտաս վարդապետի դիմաքանդակը գողացած ստահակներին։
Ինչպես հայտնում է shamshyan.com-ը, ոստիկանության Արաբկիրի բաժնի քրեական հետախույզները պարզել են, որ նշված արարքը կատարել են Արագածոտնի մարզի բնակիչ 32-ամյա Նարեկ Հ․-ն և Երևանի բնակիչ 29-ամյա Հայկ Գ․-ն։ Ոստիկանները Դավիթաշեն 2-րդ թաղամասի շենքերի մեկին հարակից ավտոտնակի մոտ բետոնե հարթակին հենված մետաղյա թիթեղի տակից հայտնաբերել են գողոնն ամբողջությամբ։
