Ուկրաինայում անօդաչուի միջոցով ՌԴ դիրքերի վրա քիմիական հարձակում է իրագործվել
ՌԴ պաշտպանության նախարարությունը գրանցել է անօդաչու թռչող սարքի հարձակում Ուկրաինայում ռուսական զորքերի դիրքերի վրա՝ թունավոր նյութերի կիրառմամբ։ Այդ մասին շաբաթ օրը հայտարարել է ՌԴ ՊՆ Ռադիացիոն, քիմիական և կենսաբանական պաշտպանության զորքերի ղեկավար, գեներալ-լեյտենանտ Իգոր Կիրիլովը, փոխանցում է ՏԱՍՍ-ը։
«2022 թվականի ապրիլի 21-ին անօդաչու թռչող սարքից ռուսական զորքերի դիրքերի վրա գցվել է ամպուլներով կոնտեյներ, որը նախատեսվում էր, որ երբ դրանք ոչնչացվեն, տեղի ունենար քիմիական ռեակցիա, որը կառաջացնի պայթյուն և հրդեհ՝ թունավոր նյութերի արտանետմամբ»,- ասել է նա։
Նրա խոսքով, ամպուլների պարունակության առնչությամբ քիմիական անալիզ է իրականացվում Քիմիական զենքի արգելման կազմակերպության կողմից հավատարմագրված ՌԴ ՊՆ 27-րդ գիտական կենտրոնի լաբորատորիայում։ Վերլուծության արդյունքները ժամանակին կուղարկվեն նրա տեխնիկական քարտուղարություն:
Նա նշել է, որ ավելի վաղ Ուկրաինան արտադրող ընկերությանը հարցում էր ուղարկել «Բայրաքթար» անօդաչու թռչող սարքերը կցված աերոզոլային սարքավորումներով համալրելու հնարավորության մասին և որ մարտի 9-ին Խերսոնի մարզում ռուսական զորքերի հետախուզական ստորաբաժանումները հայտնաբերել են երեք անօդաչու թռչող սարքեր, որոնք հագեցված են եղել 30 լիտր տարողությամբ տարաներ և սարքավորումներ ցողման համար նախատեսված ձևակերպումներով։
