ԵԱՀԿ Մինսկի խումբը թոշակի կանցնի․ Ալիևի հայտարարությունը՝ օկուպացված Շուշիից
Ցավում եմ, որ Հայաստանում իշխանությունները դեռ խոսում են ԵԱՀԿ Մինսկի խմբի մասին։ Այս մասին հայկական օկուպացված Շուշիում Հայտարարել է Ադրբեջանի բռնապետ Իլհամ Ալիևը։
«Միջնորդների մասով ուզում եմ նշել, որ, ցավոք, հիմա էլ Հայաստանում բարձրաստիճան պաշտոնյաները խոսում են Մինսկի խմբի մասին։ Կարծում եմ՝ դատարկ է և իմաստ չունի։ Մինսկի խումբը փաստացի կաթվածահար է եղել 2019 թվականին։ Եթե հիմա նայենք այս խմբի առաջարկների պատմությանը, ապա ևս մեկ անգամ կտեսնենք, որ այն չի ստեղծվել այս խնդիրը (ղարաբաղյան հակամարտության կարգավորում) լուծելու համար։ Այն ստեղծվել է ադրբեջանական տարածքների օկուպացիան հավերժացնելու համար։ Ինձ հաճախ են հարցնում, թե ինչ է լինելու ԵԱՀԿ Մինսկի խմբի հետ։ Ես ասել եմ, որ ԵԱՀԿ Մինսկի խումբը 2022 թվականին կնշի իր 30-ամյակը, իսկ հետո թոշակի կանցնի», - ասել է Ալիևը՝ ելույթ ունենալով Շուշիում կայացած աշխարհի ադրբեջանցիների համագումարում։
«Կարծում եմ, որ դա անօգուտ է և նշանակություն չունի: Մինսկի խումբը գործնականում կաթվածահար է եղել 2019 թվականից»,- ասել է նա։
Ալիևը նաև նշել է, թե երբ 2019 թվականին Հայաստանի իշխանությունները սկսեցին անհեթեթ հայտարարություններ անել, սա բանակցությունների ավարտն էր։
