«Դե՛, փախի՛ր»․ Կադիրովը՝ Զելենսկիին
Չեչնիայի ղեկավար Ռամզան Կադիրովն իր Telegram-յան ալիքում մեկնաբանել է լուրերն այն մասին, որ իբր պատրաստվում է սպանել Ուկրաինայի նախագահ Վլադիմիր Զելենսկուն։ Կադիրովն այս տեղեկությունն անվանել է անհեթեթություն, սակայն խորհուրդ է տվել Ուկրաինայի նախագահին փախչել, «որտեղ աչքը կկտրի»։ Նրա խոսքով՝ Զելենսկին չի արդարացրել վստահությունը, և շուտով «յուրայինները նրան ցտեսություն կասեն»։
«Արժանապատվորեն չես ապրել և արժանապատվորեն չես մեռնի: Դե՛, փախի՛ր»,- ասել է Չեչնիայի ղեկավարը։ Նա նաև Ուկրաինայի ղեկավարին համարել է պարզապես լավ КВН խաղացող և վստահեցրել, որ նա որևէ կերպ չի խանգարում ռուսական կողմին։ Հիշեցնեմ՝ Մարտի 9-ին Ուկրաինայի նախագահի աշխատակազմի ղեկավարի խորհրդական Պոդոլյակը հայտարարել էր երկրի նախագահի նկատմամբ ավելի քան 10 մահափորձի մասին։
