ԱՄՆ-ն սկսել է Ուկրաինային մատակարարել համազարկային կրակի ռեակտիվ համակարգեր
ԱՄՆ պետքարտուղարի քաղաքական հարցերով տեղակալ Վիկտորյա Նուլանդն ասել է, որ ԱՄՆ-ն Ուկրաինային արդեն մատակարարում է համազարկային կրակի ռեակտիվ համակարգեր: Այս մասին հայտնում է Газета-ն:
ՆԱՏՕ-ի մի քանի երկրներ նույնպես մասեր են մատակարարում Ուկրաինային, որոնք թույլ կտան ավելի շատ ինքնաթիռներ օդ բարձրացնել, ասել է նա:
«Այսպիսով, միանգամայն պարզ լինելու համար ես թվարկեմ. համազարկային կրակի ռեակտիվ համակարգերն արդեն առաքվում են. կան դաշնակիցներ, որոնք աշխատում են ինքնաթիռների վրա, և բացի այդ, կան հսկայական քանակությամբ ռազմական ինքնաթիռների մասեր, որոնք արդեն փոխում են իրավիճակը»,- ասաց նա։
