ԱՄՆ-ը զգուշացնում է Մերձավոր Արևելքում գտնվող իր քաղաքացիներին

ԱՄՆ Պետդեպարտամենտը Մերձավոր Արևելքում գտնվող իր քաղաքացիներին հորդորում է պատրաստ լինել օդային տարածքի հնարավոր փակմանն ու չվերթների չեղարկմանը։

Պետդեպարտամենտը համապատասխան զգուշացումը հրապարակել է Իրանին հասցվող ամերիկյան շարունակական հարվածների և Թեհրանի պատասխան քայլերի ֆոնին։ Միևնույն ժամանակ, Washington Post-ի փոխանցմամբ, Միացյալ Նահանգները մեծացնում է ռազմական ներկայությունը տարածաշրջանում՝ նախապատրաստվելով Իրանի դեմ լայնամասշտաբ ռազմական գործողությունների։

Հայտարարության մեջ նշվում է, որ Մերձավոր Արևելքում գտնվող ամերիկացիները ներկայում պետք է ցուցաբերեն բարձր ուշադրություն ու զգոնություն, ինչպես նաև պատրաստ լինեն ճանապարհորդությունների հնարավոր խափանումներին, օդային տարածքի պարբերական փակմանն ու չվերթների չեղարկմանը։