Ամփոփվել են «Հայաստանի 100 լավագույն ուսանողներ» մրցույթի արդյունքները․ Գոհար Ղումաշյան

«Հայաստանի 100 լավագույն ուսանողներ» մրցույթի արդյունքներն արդեն ամփոփվել են։ Այս մասին հայտնել է «Ուժեղ Հայաստան» կուսակցության անդամ Գոհար Ղումաշյանը։

Նրա խոսքով՝ մրցույթը նախընտրական շրջանում մեծ արձագանք էր ստացել, սակայն մի շարք սահմանափակումների պատճառով կազմակերպիչները ստիպված էին ժամանակավորապես դադարեցնել գործընթացը՝ խոստանալով արդյունքները ներկայացնել ընտրություններից հետո։

«Մենք արդեն ընտրել ենք 100 լավագույն ուսանողներին և ժամեր անց հայտնելու ենք նրանց անունները։ Իսկ պարգևատրման արարողությունը տեղի կունենա շատ շուտով», - նշել է Ղումաշյանը։