ՏԵՍԱՆՅՈՒԹ. Եվրոպական շուկայում մրցունակ լինելը չափազանց դժվար է. ձկնաբուծների ակցիան կառավարության շենքի մոտ

  «Եվրոպայում լավագույն ձկան կերի արժեքը չի գերազանցում 1 եվրոն՝ շուրջ 400-420 դրամը, իսկ Հայաստանում նույն կերն արժե 800 և ավելի դրամ։ Այս պայմաններում եվրոպական շուկայում մրցունակ լինելը չափազանց դժվար է»։  Կառավարության շենքի մոտ բողոքի ակցիա իրականացնող ձկնաբույծները պահանջում են պետական աջակցություն՝ նշելով, որ Ռուսաստանի կողմից սահմանված ներմուծման սահմանափակումներից հետո ոլորտը հայտնվել է ծանր իրավիճակում։

Նրանց խոսքով՝ ավելի քան երկու ամիս է, ինչ սեփական միջոցներով փորձում են պահպանել արտադրությունը, սակայն արդեն բախվում են ֆինանսական լուրջ խնդիրների։ Ակցիայի մասնակիցները նշում են, որ հանդիպում են ունեցել էկոնոմիկայի նախարարությունում, որտեղ քննարկվել է աջակցության ծրագրի անհրաժեշտությունը, սակայն մինչ այժմ հստակ որոշում չի կայացվել։

Ձկնաբույծները առաջարկում են պետական աջակցության տարբերակներ՝ սուբսիդավորվող վարկեր, արտոնյալ ժամկետներ և բանկային երաշխիքներ, քանի որ, նրանց պնդմամբ, ֆինանսական կառույցներն արդեն ոլորտը համարում են բարձր ռիսկային և հրաժարվում են նոր վարկավորումից։

Մանրամասները տեսանյութում: