Ավստրիան դադարեցրել է Ռուսաստանից նավթի ներկրումն ու վերամշակումը
Ավստրիան մարտին դադարեցրել է Ռուսաստանից նավթի ներկրումն ու վերամշակումը։ Այս մասին այսօր ТАСС-ին հայտնել են ավստրիական նավթագազային OMV ընկերությունից։
Ավստրիական ընկերության ներկայացուցչի խոսքով՝ ավստրիական Շվեչատում և գերմանական Բուրգհաուզենում OMV-ի նավթավերամշակման գործարաններում ռուսական հում նավթի մասնաբաժինը միշտ էլ բավականին փոքր է եղել։
«Մարտի ընթացքում մենք այդ ծավալները փոխարինել ենք շուկայից ստացված այլ հում նավթով։ Ներկայումս մենք ռուսական նավթ չենք վերամշակում»,- համապատասխան հարցին ի պատասխան ասել է ավստրիական ընկերության ներկայացուցիչը։
