Արգելափակեք այնպես, որպեսզի անգամ ճանճը չկարողանա դուրս գալ․ Պուտին
Ըստ Շոյգուի՝ 3-4 օր է հարկավոր Ազովստալի գործողությունն ավարտելու համար։ Ինչպես փոխանցում են ռուսական լրատվականները՝ այս մասին ՌԴ նախագահ Պուտինին զեկուցել է այդ երկրի պաշտպանության նախարար Սերգեյ Շոյգուն։ Նշվում է, որ Պուտինը աննպատակահարմար է անվանել հարձակումը Մարիուպոլի Ազովստալ արդյունաբերական գոտու վրա, հրամայել է չեղարկել այն:
«Կատակոմբաներ մտնելու կարիք չկա, անհրաժեշտ է արգելափակել Ազովստալում արդյունաբերական գոտին այնպես, որպեսզի անգամ ճանճը չկարողանա դուրս գալ»- ասել է ՌԴ նախագահը։
Հիշեցնենք՝ ավելի վաղ հայտնել էինք, որ Շոյգուն զեկուցել է Պուտինին՝ Մարիուպոլն ազատագրվել է։
