Պետդումայի պատգամավորը Զելենսկուն առաջարկել է փոխանակվել Ազովստալի զինյալների հետ
Ուկրաինայի նախագահ Վլադիմիր Զելենսկին պետք է տղամարդու պես վարվի և իրեն փոխանակի Մարիուպոլի Ազովստալում հաստատված զինյալների հետ։ Նման առաջարկով հանդես է եկել Պետդումայի Ղրիմի շրջանի պատգամավոր Միխայիլ Շերեմետը, մեջբերում է ՌԻԱ Նովոստին։
«Զելենսկին կարող է իրեն փոխանակել ուկրաինացի նացիստների և Ազովստալում բնակություն հաստատած զինյալների հետ։ Սա, հավանաբար, առաջին անգամն է լինելու, որ նա տղամարդու պես և արժանապատվիվ կվարվի»,- ասել է Շերեմեթը:
Նրա խոսքով՝ Զելենսկին Ուկրաինայում կատարվողն ընկալում է որպես ֆիլմ և ուրիշների հայրերին ու որդիներին ուղարկում է ստույգ մահվան։ Պատգամավորն ընդգծել է, որ նախագահը մոռանում է, որ այս «կինոն» երկրորդ դուբլ չի ունենա։
Քաղաքական գործիչն ուշադրություն է հրավիրել այն փաստի վրա, որ ուկրաինացի առաջնորդը թաքցրել է իր ընտանիքը արտերկրում և անհանգստանում է Մարիուպոլում գտնվող Ազովստալի համար, քանի որ օտարերկրյա վարձկանների և հրահանգիչների կյանքն իր համար ավելի կարևոր է, քան Ուկրաինայի Զինված ուժերի զինվորների կյանքը։
