Davidoff և West ծխախոտի ապրանքանիշերի սեփականատերը հայտարարել է ռուսական բիզնեսից դուրս գալու մասին

Ծխախոտ արտադրող Imperial Brands (ապրանքանիշերը Parker & Simpson, West, Davidoff, Gauloises, Style, JPS, Fine, Maxim) հայտարարել է ռուսական բիզնեսը Ռուսաստանում տեղակայված ներդրողներին փոխանցելու մասին։ Այս մասին գրում է Kommersant-ը:
 

Նշվում է, որ որոշումն ընդունվել է Ուկրաինայում ստեղծված իրավիճակի պատճառով։ 

Նկատենք, որ սա առաջին ծխախոտային ընկերությունն է, որը դադարեցրել է իր ռուսական բիզնեսը։
 

«2021 ֆինանսական տարում Ռուսաստանին և Ուկրաինային բաժին է ընկել զուտ եկամտի մոտ 2%-ը և ճշտված գործառնական եկամտի 0,5%-ը։ Բացի այդ, մենք գնահատում ենք, որ այս գործարքի համար անկանխիկ դուրսգրումը կկազմի մոտ 225 միլիոն ֆունտ»,- նշել են հայտարարությունում:

Ընկերությունն ակնկալում է մոտ ապագայում գործարքի գրանցման ավարտ համապատասխան մարմիններում։
 

Imperial Brands-ը (նախկինում Imperial Tobacco Group plc) միջազգային ծխախոտային ընկերություն է: Kommersant-ի զրուցակցի խոսքով՝ Imperial Brands-ը զբաղեցնում էր ռուսական ծխախոտի շուկայի մոտ 5 տոկոսը։ Ռուսաստանում Imperial-ի գործունեությունը ներառում է վաճառքի և շուկայավարման բիզնես, ինչպես նաև արտադրական ձեռնարկություն Վոլգոգրադում: