Մակրոնը Բայդենի և ԵՄ գործընկերների հետ կքննարկի Ռուսաստանի դեմ նոր պատժամիջոցները

Ֆրանսիայի նախագահ Էմանուել Մակրոնը մտադիր է իր ամերիկացի գործընկեր Ջո Բայդենի և ԵՄ գործընկերների հետ քննարկել Ռուսաստանի դեմ նոր պատժամիջոցները։ Այս մասին նա ասել է France 5-ին։

«Ես նախատեսում եմ վաղը կեսօրից հետո Բայդենի և եվրոպացի առաջնորդների հետ քննարկել պատժամիջոցների հարցը։ Մենք կշարունակենք պատժամիջոցների ճնշումը Ռուսաստանի վրա»,- ասել է նա։

Ինչպես գրում է Gazeta. ru-ն՝ ավելի վաղ Եվրահանձնաժողովի ղեկավար Ուրսուլա ֆոն դեր Լեյենը, խոսելով Ռուսաստանի դեմ ԵՄ պատժամիջոցների վեցերորդ փաթեթի մասին, որը մշակվում է, ասել էր, որ ասոցիացիան շարունակում է դիտարկել միջոցներ բանկային հատվածի և էներգետիկ արդյունաբերության դեմ։