Բայդենը երկարաձգել է արտակարգ դրությունը Ռուսաստանի գործողությունների պատճառով
ԱՄՆ նախագահ Ջո Բայդենը որոշում է կայացրել երկարաձգել 2021-ի ապրիլի 15-ին սահմանված արտակարգ դրությունը՝ կապված Ռուսաստանի Դաշնության վարած քաղաքականության հետ։ Այս մասին ասված է ԱՄՆ Կոնգրեսի ղեկավարներին ուղղված նախագահի ծանուցման մեջ, որը հրապարակվել է Սպիտակ տան կայքում։
«Ես որոշել եմ, որ անհրաժեշտ է պահպանել 14024 հրամանագրով հայտարարված արտակարգ դրությունը՝ կապված Ռուսաստանի Դաշնության կառավարության արտաքին քաղաքական հատուկ կործանարար գործունեության հետ»,- ասվում է փաստաթղթում։
Ամերիկացի առաջնորդը կրկին մեղադրել է Ռուսաստանին ԱՄՆ-ում և այլ երկրներում ընտրություններին միջամտելու, ինչպես նաև թշնամական կիբեր գործունեության մեջ։ Նշվում են նաև «Մոսկվայի ջանքերը»՝ խաթարելու ազատ և արդար ժողովրդավարական ընտրությունների անցկացումը և ժողովրդավարական ինստիտուտները Միացյալ Նահանգներում և նրա դաշնակից երկրներում։
