Մոսկվայի և Համայն Ռուսիո պատրիարք Կիրիլը Վլադիմիր Ժիրինովսկու հոգեհանգստի արարողությունն է կատարում Մոսկվայի Քրիստոս Փրկիչ տաճարում։ Հոգեհանգստի արարողությանը եկել էին քաղաքական գործչի հարազատներն ու ընկերները, սենատորներ ու պատգամավորներ, պետական ​​այրեր։ Քաղաքական գործչին հրաժեշտը տեղի կունենա ուրբաթ օրը Սյունասրահում։ Հուղարկավորությունը տեղի կունենա Նովոդևիչի գերեզմանատանը։

Հիշեցնենք՝ ավելի վաղ հայտնել էինք, որ ծանր և երկարատև  հիվանդությունից հետո մահացել է Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին։