«Գուցե պետք է համոզենք Ռուսաստանին հարձակվել Հայաստանի վրա»․ Թանկյանը՝ Արևմուտքի քաղաքականության մասին

Միգուցե մենք պետք է համոզենք Ռուսաստանին հարձակվել Հայաստանի վրա, որպեսզի Արևմուտքը մեզ էլ զենք և փող տա Ադրբեջանի և Թուրքիայի դեմ կռվելու համար: Այս մասին թվիթերի իր միկրոբլոգում գրել է System of a Down խմբի վոկալիստ Սերժ Թանկյանը՝ կիսվելով հայտնի լրագրող Էլիսոն Թահմազյանի գրառմամբ՝ որում անդրադարձ էր կատարվել ԱՄՆ պետքարտուղար Էնթոնի Բլինքենի՝  Ադրբեջանի սանձազերծած ագրեսիայի և Ուկրաինայի մասին արված 2 հայտարարություններին։ 

Լրագրողը նշում է․ «Գտեք տարբերություն, գերագույն նպատակը միանգամայն պարզ է»։ 

Ընդգծենք, որ Բլինքենի այդ երկու գրառումների ամենաակնհայտ տարբերությունն այն էր, որ ԱՄՆ-ն անհանգստություն հայտնելուց բացի նաև 100 միլիոն դոլար օգնություն է տրամադրում Ադրբեջանին, իսկ Հայաստանի դեպքում միայն անհանգստությունն է մնում։