Բաքվում իշխանությունների թույլտվությամբ հերթական հակառուսական ցույցը կանցկացնեն Ապրիլի 12-ին «Ժողովրդավարություն և բարեկեցություն» կուսակցության կողմից կազմակերպված մեկ ժամ տեւողությամբ բողոքի ցույց կանցկացվի Ադրբեջանում ՌԴ դեսպանատան դիմաց, հայտնում է Turan-ը:

Նշվում է, որ հավաքի ժամանակ նախատեսվում է օգտագործել «Դադարեցրեք պատերազմն Ուկրաինայում», «Դադարեցրեք պատերազմական հանցագործությունները», «Բուչայում և Ուկրաինայի այլ վայրերում ջարդեր իրականացրած ռուս զինվորականները չեն կարող խաղաղապահներ լինել» կարգախոսները։ Ռուսական բանակը պետք է դուրս բերվի Ղարաբաղից: 

Infoteka 24-ը հիշեցնում է, որ առհասարակ, Ադրբեջանում զանգվածային քաղաքական ակցիաների անցկացումը չափազանց հետաքրքիր խնդիր է։ Անցյալ շաբաթ Ժողովրդավարական ուժերի ազգային խորհուրդը (ԺԱՄԽ) ակցիայի մասին ծանուցում է ուղարկել Բաքվի քաղաքապետարան, սակայն մերժում է ստացել՝ կարանտինային միջոցառումների դրդապատճառով։ Սակայն մյուս քաղաքական ուժերը անաղմուկ հակառուսական գործողություններ են իրականացնում եւ նույնիսկ օրենքի հետ խնդիրներ չեն ունենում։ Ըստ տելեգրամյան ալիքի՝ այս ամենը խոսում է այն մասին, որ իշխանություններն իրենք են վերահսկում երկրում հակառուսական գործընթացները և կազմակերպում են նման ցույցեր։