Բաքուն ներկայացրել է ամենակարևոր պայմանները, որոնք կխթանեն Հայաստանի հետ խաղաղության պայմանագրի կնքմանը

Հարաբերությունների կարգավորման համար Ադրբեջանը Հայաստանին է փոխանցել հինգ կետից բաղկացած փաստաթուղթ, որը «ներառում է Հելսինկյան համաձայնագրերի սկզբունքները»։ 
 

Այս մասին TRT World-ին տված հարցազրույցում ասել է Ադրբեջանի նախագահի օգնական Հիքմեթ Հաջիևը։ 

«Մենք հայկական կողմին ներկայացրել ենք խաղաղության պայմանագրի հիմնարար սկզբունքները, պոտենցիալ խաղաղության պայմանագիր Հայաստանի և Ադրբեջանի միջև: Դրանք ձևակերպված են միջազգային իրավունքի նորմերի և սկզբունքների հիման վրա և հիմք են հանդիսանում բարիդրացիական հարաբերությունների համար: 
 

Եթե դուք ( նկատի ունի Հայաստանը )  ցանկանում եք բարիդրացիական հարաբերություններ հաստատել, ապա ամեն ինչ սկսվում է առաջին և ամենակարևոր որոշումից. Հայաստանն ու Ադրբեջանը պետք է ճանաչեն իրենց միջև տարածքային ամբողջականությունը, ինքնիշխանությունը և սահմանների անձեռնմխելիությունը, ինչպես նաև զերծ մնան ուժի կիրառումից և տարածքային ամբողջականության դեմ ուժի սպառնալիքը»,- ասել է Հաջիևը։ 

«Հայաստանը պետք է վերջ դնի Ադրբեջանի նկատմամբ տարածքային այս պահանջներին, և դրանից հետո մենք կկարողանանք առաջ շարժվել»,- ընդգծել է  նա։ 

Հաջիևը ուշադրություն է հրավիրել այն փաստի վրա, որ Թուրքիան դիվանագիտական ​​մակարդակով նույնպես սկսում է կապ հաստատել Հայաստանի հետ։ 
 

«Մենք աջակցում ենք այս գործընթացին, բայց միևնույն ժամանակ աջակցում ենք այս գործընթացի երկու ուղղությունների միաժամանակյա և զուգահեռ զարգացման գործընթացին՝ հայ-ադրբեջանական, ինչպես նաև թուրք-հայկական հարաբերությունների կարգավորմանը»,- ասել է նախագահի օգնականը։