Հունգարիան Ուկրաինային մեղադրել է երկրում ընտրությունների վրա ազդելու փորձի համար
Հունգարիայի արտգործնախարար Պիտեր Սիյարտոն Ուկրաինայի կառավարությանը մեղադրել է ապրիլի 3-ին իր երկրում կայանալիք խորհրդարանական ընտրությունների արդյունքների վրա ազդելու փորձի համար, գրում է ТАСС-ը:
Երկրի ԱԳՆ ղեկավարը նշել է, որ Ուկրաինայի իշխանությունները քննարկել են այդ հարցը հունգարական քաղաքական ընդդիմության ներկայացուցիչների հետ:
«Մի քանի օր առաջ հայտնի դարձավ, որ Ուկրաինայի արտաքին գործերի նախարարը խորհրդակցել է Բուդապեշտում Ուկրաինայի դեսպանի հետ Հունգարիայի ընտրությունների արդյունքների վրա ազդելու հնարավորության մասին: Մամուլում հրապարակված այս տեղեկությունը համապատասխանում է իրականությանը»,- ասել է նա:
