Ուկրաինացին փորձել է փախչել երկրից՝ թաքնվելով «բեյբի բոքսի» մեջ

Չեռնովցի ջոկատի սահմանապահները բացահայտել են Ուկրաինայի քաղաքացուն, որը փորձել է հատել Մոլդովայի հետ սահմանը՝ թաքնվելով «բեյբի բոքսի» (մանկական տուփի) մեջ։ 

Korrespondent.net-ը նշում է, որ  «անսովոր ուղևորը» հայտնաբերվել է Ռոսսոշա անցակետում Renault մակնիշի մեքենայում, որով ճամփորդում էր մի կին իր երկու երեխաների հետ: Փաստաթղթերը ստուգելուց հետո սահմանապահները զննել են նաև մեքենայի բեռնախցիկը, որտեղ «բեյբի բոքսի» մեջ հայտնաբերել են 1985 թվականին ծնված տղամարդու։ Պարզվել է, որ ուղևորը կնոջ ամուսինն է, որը փորձել է հեռանալ ռազմական գործողությունների թիրախում հայտնված երկրից։

Քաղաքացին ստիպված է եղել մնալ Ուկրաինայում, քանի որ ռազմական դրության ժամանակ 18-ից 60 տարեկան տղամարդկանց մեկնելն արգելված է։