Որտե՞ղ է բնակվում Հովիկ Աբրահամյանը Մոնումենտի տան վաճառքից հետո․ ուշագրավ մանրամասներ

Երեկ լրատվականները նշեցին, որ նախկին վարչապետ Հովիկ Աբրահամյանը վաճառել է Մոնումենտում գտնվող իր հայտնի առանձնատունը, որը մամուլում որպես դղյակ է ներկայացվում։ Գնորդն էլ «Գոլդեն փելես» հյուրանոցը վերջերս ապառիկով ձեռք բերած գործարար Նարեկ Նալբանդյանն է։ 

Hraparak.am-ը գրում է, նախկին վարչապետը որոշել է բնակություն հաստատել Երևանում՝ մայրաքաղաքի սրտում։ Բայց ոչ թե բնակարանում, այլ հյուրանոցում։

Ըստ կայքի տեղեկությունների՝  Հովիկ Աբրահամյանը տևական ժամանակ է՝ բնակվում է Երևանի Ամիրյան փողոցում գտնվող հյուրանոցներից մեկում, ավելի ստույգ՝ դրա վերևի հարկում։ Հյուրանոցի՝ գրեթե տանիքում գտնվող մի ամբողջ հարկաբաժին դարձել է նախկին վարչապետի ապարտամենտը, որտեղից գեղեցիկ տեսարան է բացվում դեպի մայրաքաղաքի կենտրոն։

Հիշեցնենք, պատկանում է հենց Հովիկ Աբրահամյանի ընտանիքին, ուստի Հայաստանի նախկին վարչապետը միանգամայն անվճար է բնակվում այդ հյուրանոցում։