Google-ն արգելափակել է Sputnik-ը, ՌԻԱ Նովոստին և այլ ռուսական լրատվակայքեր

 Google Discover և Google News ծառայությունները սահմանափակել են «Ռոսիա սեգոդնյա» միջազգային տեղեկատվական գործակալության բոլոր հրապարակումները: Մեդիախումբը դա գրաքննություն է համարում։ Այս մասին հաղորդում է Sputnik-ը:

«Ռոսիա սեգոդնյա» մեդիախումբը տեղեկատվական ռեսուրսների շարք է, որում ներառված են Sputnik միջազգային լրատվական գործակալությունը և ռադիոն (արտասահմանում), ՌԻԱ Նովոստին, Փրայմը, ИноСМИ–ն, Украина.ру–ն, Baltnews-ը և ТОК-ը (Ռուսաստանում)։

«Google Discover–ը և Google News-ը սահմանափակել են գործակալության բոլոր ռեսուրսների նյութերի ցուցադրությունները։ Մենք կարծում ենք, որ Google–ի` նորությունների տարածման հիմնական ալիքներում մեր նյութերի արհեստական արգելափակումը թաքնված գրաքննություն է և տեղեկատվական օրակարգի մանիպուլյացիա»,– ասել են մեդիախմբի մամուլի ծառայությունում:

«Ռոսիա սեգոդնյան» միջազգային մեդիախումբ է, որի առաքելությունն է օպերատիվ լուսաբանել աշխարհում տեղի ունեցողիրադարձությունները, լսարանին տարբեր տեսակետներ ներկայացնել առանցքային իրադարձությունների վերաբերյալ։