Ուկրաինայի իշխանությունները հերքում են Դոնբասում սպասվող հարձակման մասին տեղեկատվությունը

Ուկրաինայի զինված ուժերի գլխավոր հրամանատար Վալերի Զալուժնին հայտարարել է, որ Դոնբասում հարձակողական գործողություններ չեն նախատեսվում։ Այսօր ավելի վաղ Ուկրաինայի արտգործնախարար Դմիտրի Կուլեբան հայտարարել էր, որ «Ուկրաինան Դոնբասում հարձակողական գործողություններ և դիվերսիաներ չի իրականացնում և չի ծրագրում»։
 

«Մեզ համար տարածքները ապաօկուպացնելու միակ ընդունելի տարբերակը քաղաքական և դիվանագիտական ​​տարբերակն է»,- ֆեյսբուքյան գրառման մեջ ասում է պարոն Զալուժնին։ 

«Դոնբասում հարձակողական գործողությունը, անշուշտ, կհանգեցնի բազմաթիվ քաղաքացիական զոհերի, ուստի նման սցենարներ չեն էլ դիտարկվում», - հավելել է Ուկրաինայի Զինված ուժերի գլխավոր հրամանատարը։