Փաշինյանն ընդունել է Ռուսաստան այցելելու Պուտինի հրավերը. Կրեմլ
ՀՀ վարչապետ Նիկոլ Փաշինյանն ընդունել է Ռուսաստան այցելելու Վլադիմիր Պուտինի հրավերը: Այս մասին հայտնում է RT-ն՝ հղում տալով Կրեմլի մամուլի ծառայությանը:
Ռուսաստանի նախագահ Վլադիմիր Պուտինը երկուշաբթի հեռախոսազրույց է ունեցել Հայաստանի վարչապետ Նիկոլ Փաշինյանի հետ։
Կրեմլի մամուլի ծառայության փոխանցմամբ՝ զրույցի ընթացքում կողմերը մտքեր են փոխանակել Լեռնային Ղարաբաղի շուրջ ստեղծված իրավիճակի մասին։
Քիչ առաջ ՀՀ կառավարությունից տեղեկացրել են, որ փետրվարի 21-ին հեռախոսազրույց է տեղի ունեցել Նիկոլ Փաշինյանի և Վլադիմիր Պուտինի միջև: Ղեկավարները քննարկել են 2020 թ․ նոյեմբերի 9-ի, 2021 թ․ հունվարի 11-ի և նոյեմբերի 16-ի եռակողմ հայտարարություններով ձեռքբերված պայմանավորվածությունների կատարման ընթացքը:
ՌԴ նախագահը ՀՀ վարչապետին հրավիրել է գարնանը պաշտոնական այցով մեկնել Մոսկվա: Նիկոլ Փաշինյանը իր հերթին Վլադիմիր Պուտինին հրավիրել է Հայաստան: Քննարկվել է նաև ռուս-ուկրաինական հարաբերություններում հաստատված իրավիճակը, տարածաշրջանային անվտանգության հարցեր:
