Ադրբեջանին հաջողվել է համոզել Հայաստանին. ինչի մասին է խոսել Ալիևը իսպանական թերթին տված հարցազրույցում

 Ադրբեջանին հաջողվել է համոզել Հայաստանին ավտոմոբիլային ճանապարհի բացման անխուսափելիության մեջ (Հայաստանով դեպի Նախիջևան):  Այս մասին ասել է Ադրբեջանի նախագահ Իլհամ Ալիևը իսպանական El Pais թերթին տված հարցազրույցում:

«Նախկինում Հայաստանը դեմ էր մայրուղու բացմանը, բայց մենք կարողացանք համոզել, որ դա անխուսափելի է, և նրանք համաձայն են։ Այսպիսով, կա համաձայնեցվածություն:Մենք դեռ որոշ չլուծված խնդիրներ ունենք»,- ասել է Ալիևը, փոխանցում են թելեգրամ ալիքները:

«Կարծում եմ՝ երկու երկրներն էլ համաձայն են, որ դա պետք է տեղի ունենա, և, ի դեպ, նախագահ Պուտինի նախաձեռնությամբ անցյալ ամիս Սոչիում կայացած եռակողմ հանդիպման ժամանակ մենք հռչակագիր ընդունեցինք, որտեղ բացահայտ խոսվում էր հաղորդակցությունների բացման մասին։ Եվ այդպես էլ կլինի։ Ի դեպ, օդային տարածքն արդեն ակտիվացել է։ Այժմ Ադրբեջանի ավիաընկերության ինքնաթիռը, որը թռչում էր Բաքվից Նախիջևան, սկսել է անցնել Հայաստանի օդային տարածքով»,- ասել է Ալիևը։

Նա ընդգծել է, որ Բաքուն ցանկանում է բացել սահմանները Երեւանի հետ։ «Այո, մենք ցանկանում ենք բացել սահմանները։ Մինչ օրս մի քանի բանակցություններ են անցկացվել եռակողմ աշխատանքային խմբի շրջանակներում՝ Ադրբեջանի, Հայաստանի և Ռուսաստանի փոխվարչապետների գլխավորությամբ»,- ասել է նա։