Կազանում առևտրի կենտրոնի այցելուն դանակահարել է անվտանգության աշխատակցին այն բանից հետո, երբ վերջինս նրան խնդրել է QR կոդ ցույց տալ։ 
 

ТАСС գործակալության փոխանցմամբ՝ տուժածը վիրավորվել է ձեռքի հատվածում։ Նրան օգնություն են ցուցաբերել բուժհաստատությունում։ Հարձակվողը՝ 1973 թվականին ծնված տղամարդը, բերման է ենթարկվել։ Այժմ որոշվում է քրեական գործ հարուցելու հարցը։
 

Կազանի առևտրի կենտրոններ, սննդի օբյեկտներ, սպորտային համալիրներ և այլ հասարակական վայրեր մուտք գործելու համար հոկտեմբերի 11-ից անհրաժեշտ է ցուցադրել QR կոդեր։