Ի՞նչ է նշանակում գերի ընկնել, պետք է հետաքննվի` ինչ պայմաններում են գերեվարվել. Փաշինյան
Կարծում եմ՝ ժամանակն է, որ գերեվարման յուրաքանչյուր դեպք պատշաճ ձևով հետաքննենք։ ԱԺ-ում այս մասին ասաց ՀՀ վարչապետ Նիկոլ Փաշինյանը։
«ՀՀ զինված ուժերում ծառայության անցնող յուրաքանչյուր անձ ունի պարտականություններ։ Գուցե այստեղ սխալ ենք վարվել էմոցիոնալ ֆոնի վրա, պետք է քննվեն դեպքերը։ Ի՞նչ է նշանակում գերի ընկնել, ի՞նչ հանգամանքներում։ Զինվորական կանոնագրերը հստակ սահմանում են, թե որ դեպքում է, որ գերի ընկնելը չի համարվում հանցագործություն։ Յուրաքանչյուր դեպքում պետք է քննենք՝ այդ դեպքի հետ գործ ունենք, թե ոչ։ Ձևակերպված է, որ եթե մարդը վիրավոր, անգիտակից վիճակում է և գերեվարվում է, իհարկե ոչ մի պրիտենզիա չի կարող լինել»,-ասաց Նիկոլ Փաշինյանը։
