Անտեսվում է փաստը, որ Ադրբեջանն է հարձակվել Հայաստանի ինքնիշխան տարածքի վրա. ԱՄՆ կոնգրեսական

Հայկական հողի վրա Ադրբեջանի բռնության էսկալացիան անընդունելի է։ Այս մասին թվիթերի իր միկրոբլոգում գրել է ԱՄՆ կոնգրեսական Ֆրենկ Փելոնը՝ հավելելով.

 «Հայաստանի դեմ մահաբեր բռնությունների այս աճը կշարունակվի, եթե ԵԱՀԿ-ին կից ԱՄՆ առաքելությունը, Պետդեպարտամենտը և միջազգային հանրությունը անհապաղ և վճռական դիվանագիտական քայլեր չձեռնարկեն։ Պնդումները, թե երկու կողմերը մեղավոր են, անտեսում են փաստը, որ ադրբեջանական զորքերը հարձակվել են Հայաստանի ինքնիշխան տարածքի վրա և ահաբեկում են այնտեղ անմեղ բնակիչներին։ Սա միջազգային իրավունքի նպատակաուղղված խախտում է, որը միայն կոգևորի Ալիևին, եթե նրան չկանգնեցնեն»,- նշել է նա։