Լավրովն ու Բայրամովը հեռախոսազրույց են ունեցել
Նոյեմբերի 8-ին ՌԴ ԱԳ նախարար Սերգեյ Լավրովը իր ադրբեջանցի գործընկեր Ջեյհուն Բայրամովի հետ հեռախոսով քննարկել է երկկողմ և տարածաշրջանային օրակարգը, հաղորդում է Ռուսաստանի արտաքին քաղաքական գերատեսչությունը:
ԱԳՆ հաղորդագրության մեջ ասվում է, որ նախարարները շարունակել են կարծիքների փոխանակումը Ադրբեջանի, Հայաստանի և Ռուսաստանի ղեկավարների կողմից 2020 թվականի նոյեմբերի 9-ին հրադադարի և Լեռնային Ղարաբաղում բոլոր ռազմական գործողությունների լիակատար դադարեցման մասին եռակողմ հայտարարության ընդունման տարեդարձի նախաշեմին:
ՌԴ և Ադրբեջանի արտաքին քաղաքական գերատեսչությունների ղեկավարները քննարկել են նաև երկկողմ հարաբերությունների և տարածաշրջանային օրակարգի արդիական հարցեր:
