ՏԵՍԱՆՅՈՒԹ. Ադրբեջանը ագրեսոր պետություն է և պետք է զորքերը հանի ՀՀ ինքնիշխան տարածքից. Փաշինյան

Տեղի է ունեցել Անվտանգության խորհրդի արտահերթ նիստ, որի ժամանակ ելույթով հանդես է եկել ՀՀ վարչապետ Նիկոլ Փաշինյանը: 

Նա նշել է, որ սահմանային վեճերի մասին խոսակցություններն անհեթեթ են և անիմաստ։ Չկա սահմանային վեճ, կա Հայաստանի ինքնիշխան տարածքի նկատմամբ ագրեսիա։

«Ադրբեջանը և նրան քաջալերող ուժերը թիրախավորում են մեր ինքնիշխանությունը և պետականությունը»,- ասել է Նիկոլ Փաշինյանը։ Իր խոսքով՝ այսօր մենք ցույց ենք տվել, որ մենք թույլ չենք տա մեզ հետ խոսել ամբարտավանության լեզվով։

Փաշինյանը հայտնել է, որ հակառակորդի կենդանի ուժին հասցվել է էական վնաս․ ոչնչացվել է առնվազն 6 միավոր զրահատեխնիկա։ Մեր կողմից կան զոհեր, որոնց վերաբերյալ կլինեն ճշգրտված տեղեկություններ։ 
 

«Ադրբեջանը հանդիսանում է ագրեսոր պետություն և պետք է աներկբայորեն հանի զորքերը ՀՀ ինքնիշխան տարածքից»,- ասել է նա։

Անդրադառնալով սահմանային իրադրությանը՝ Փաշինյանն ասել է, որ այս պահին սահմանին հարաբերականորեն հանգիստ է, բայց ընդհանուր իրավիճակը շարունակում է մնալ ծայրահեղ լարված:
 

Մանրամասները՝ տեսանյութում: